يا غربة آه

ياغربة ليه بتخديني بعيد عن أهلي والأصحاب؟...مليانه عيني بالدموع لما لقيت روحي بين الاغراب ...ولا كلامي فهمينه...ولا لا قي لكلامهم مني أي جواب..يابلدنا ليه طردانا وإحنا نشتهي فيكي حتي التراب ...ودرت أسأل علي عنوان أدق بإيدي ع الأبواب..غريب محتار مش لاقي أي جواب...ومين يفتح ؟ومين ينوبه فيه ثواب..يرجعني من تاني لبلدنا يديني حق الرجوع لأمي اللي واقفة علي كل مينا عني تسأل الركاب , وتقول لهم ولد أسمراني مليح شاطر وكله شباب.. وف لحظة ضاع كده مني ..ياموج البحر خد قلبي وروحي ورجعهولي..أنا واقفة ومش عارفة إبني عايش ولا راح مع الغربة وداب وسايب قلبي برده داب.